#2. Bu gün nə öyrəndim - 2022.11.09

1) SOLID prinsipləri nədir? Günə SOLID prinsiplərini təkrar etməklə başladıq. Hər dəfə fərqli məqalələrə baxıram ki, fərqli izahları, baxış açılarını görüm. Bu səfər sürətli olsun deyə türkcə 3 məqaləyə baxdım. 1, 2, 3. İstəz göz atarsınız.

SOLID prinsiplərinin məqsədləri: - Yazdığımız kod gələcəkdə əlavə olunacaq yeniliklərə daha tez adaptasiya ola bilmək - Yeni funksiyonallığı kodda ciddi dəyişikliklər etmədən əlavə edə bilmək - Kod üzərində tez tez olan düzəltmələr və hətta bəzən yenidən yamaq kimi məsələlərdə gedən vaxtı azalda bilmək

SOLID Prinsipləri: S - Single responsible - Tək məqsədlik: bir sinif və ya metodun sadəcə 1 məqsədi olmalıdır O - Open-Close - Açıq/Qapalılıq: Bir sinif və ya metodun hal hazırda olan funskionallıqları dəyişməyə qapalı olmalıdır, amma yeniliklərə açıq olmalıdır L - Liskov substitation - Alt siniflər üst siniflərin də yerinə işlədilə bilən olmalıdır I - Interface segregation - öhtəliklərin hamısını bir interfacedə yığmaq yerinə mümkün qədər interfacelərə parçalamaq, implement edən hər hansı bir class gərək bütün methodları işlətsin, işlətmiyəcəyi method varsa o interfacedən çıxarılmalıdır D - Depency Inversion - Asılılıqların azaldılması - Classlar işləmək üçün başqa kasla asılı qalmamalıdır (onu yaratmamalıdır) kənardan o klasın dəyişənini daxil etməlidir. Çünki həmin iç klasslar dəyişiklikliyə uğrayanda bu əsas klasda da dəyişiklik etməyə ehtiyac duymaq düzgün deyil.

Əslində bu gün daha çox olmalı idi ama o qədər başqa işlər çıxdı ki, bla bla bla, bəhanələr. Bu qədər.